هل يمكن للمنتور أن يحدث فرق في تسريع نمو الشركات الناشئه ؟
قبل ما أقولك يعني إيه "مينتور" وإيه أهميته ليك ولشركتك، تعالَ الأول أحكيلك قصة صغيرة.
ستيف جوبز، مؤسس شركة آبل، واجه تحديات كبيرة جدًا في بدايته. في عام 1983، قرر جوبز إنه يطلب من "جون سكالي"، الرئيس التنفيذي لشركة بيبسي وقتها، إنه يكون مينتور ليه.
سكالي كان له تأثير كبير على جوبز في تشكيل استراتيجية إدارة الشركة. ومن هنا حصل تطور كبير في التكنولوجيا والابتكار، وظهر الكيان العريق اللي هو شركة آبل بشكلها اللي نعرفه النهاردة.
طيب بعد ما عرفنا القصه دي تعالي اقولك يعني أيه مينتور (mentor)
المينتور هو الشخص اللي بيقدّم الدعم والتوجيه لحد أقل خبرة، بهدف مساعدته على التطور الشخصي والمهني، سواء كنت طالب، موظف، أو رائد أعمال.
أهمية المينتور ليك أو لشركتك الناشئة؟
- بيساعدك تطوّر مهاراتك بشكل أسرع.
- بيديلك رأي خارجي محايد يساعدك تحل مشاكلك.
- بيساعدك تاخد قرارات صعبة بثقة.
- بيفتح لك فرص تواصل مع ناس ممكن يساعدوك.
- بيجنّبك قرارات خاطئة ممكن تكلّفك كتير.
- بيشجّعك ويحسّسك بالدعم في الأوقات الصعبة.
- بيساعدك تبني أساس قوي لنجاح طويل المدى.
و دي خمس خطوات لأختيار مينتور شاطر:
- الخبرة في نفس المجال: اختار حد عنده تجربة حقيقية في نفس مجالك.
- الأسلوب الواضح والمباشر: المينتور الجيد بيشرح ببساطة وبدون لف ودوران.
- الصدق والدعم بدون مجاملة: لازم يكون صريح، يقولك الصح والغلط علشان تتطور بجد.
- التفرغ والالتزام: يكون عنده وقت يساعدك بشكل منتظم.
- توافق القيم والرؤية بينكم: مهم تكونوا على نفس الموجة علشان تقدروا تشتغلوا سوا براحة.
الخلاصة:
لو بدأت تدور على مينتور مناسب، إنت كده بتاخد خطوة ذكية نحو نجاح أسرع وأكثر وعي.
المينتور مش بس دليل، ده شريك في الرحلة .
لو عايزه تحجز أول سيشن ليك مع المينتور وتبدأ خطوه حقيقيه نحو نجاحك أضغط علي اللينك دا ..